Gatsata- Itorero Assemblies of God mu giterane kigamije kubyutsa impano z’abakristo

Iki giterane cy’iminsi irindwi yo kwiyiriza ubusa cyatangiye ku wa 18 Gicurasi,2015 kikazasozwa ku wa 24 Gicurasi,2015. Iki giterane kandi kiba buri munsi kuva saa kumi n’ebyiri z’umugoroba kugeza saa mbiri z’ijoro.

Rev Pastor Kabandana Claver hamwe n'umugore we

Rev Pastor Kabandana Claver umushumba w’itorero Assemblies of God rya Gatsata yabwiye inyarwanda.com ko icyo giterane kigamije kubyutsa impano z'abakristo bakarushaho gusabana n'Imana. Icyo giterane cyitabirwa n’amakorali atandukanye nka Aroma Choir na Pillar worship team ndetse cyanatumiwemo umuhanzi Serge Iyamuremye.

Umuramyi Serge Iyamuremye ni umwe mu batumiwe muri icyo giterane

Pastor Sunday Wilson uri kwigisha ijambo ry’Imana muri iki giterane cy'ububyutse, ni umuvugabutumwa w’umunya Nigeria uba mu gihugu cya Cameroun. Pastor Sunday kuri ubu ayoboye Minisiteri ya Dr John Maxwell ndetse yanabayeho umushumba w’itorero Royal Seed Assembly.

Gideon N M