RFL
Kigali

Umukinnyi Mugiraneza Jean Baptiste (Migi) n'umunyamakuru Gisa Fausta basezeranye kubana akaramata

Yanditswe na: Editor
Taliki:30/01/2015 18:24
13


Umukinnyi w’ikipe y’igihugu Amavubi akaba na Kapiteni w’ikipe ya APR FC; Mugiraneza Jean Baptiste bakunda kwita Migi, kuri uyu wa Gatanu tariki 30 Muatarama 2015 yasezeranye imbere y’amategeko kuzabana akaramata n’umunyamakuru wa Lemigo TV witwa Gisa Fausta bamaze igihe bakundana.



Kugeza ubu Mugiraneza Jean Baptiste na Gisa Fausta ni umugabo n’umugore byemewe  n’amategeko ya Leta y’u Rwanda nk’uko babihamije imbere y’ubuyobozi n’imbere y’inshuti, ababyeyi n’abavandimwe mu murenge wa Rwezamenyo mu Karere ka Nyarugenge mu mujyi wa Kigali, ibi bikaba byabaye ku gicamunsi cyo kuri uyu wa Gatanu tariki 30 Mutarama 2015.

Mugiraneza Jean Baptiste na Gisa Fausta basezeranye bamaze igihe gisaga imyaka itatu bakundana, kuba bahuriye ku gukunda umupira w’amaguru bikaba byaranabaye intandaro yo gukundana kwabo kuko uyu munyamakuru Gisa Fausta yamenyanye na Mugiraneza Jean Baptiste ubwo bahuzwaga n’akazi, uyu mukobwa akaba yari yasuye uyu mukinnyi mu rwego rw’akazi nk’umunyamakuru kuko yari yagiye kumusaba ikiganiro (interview), nyuma yaho baza gukomeza kuvugana kugeza ubwo binjiye mu rukundo none ibirori bikaba bitashye.

gisa

gisa

Mugiraneza Jean Baptiste na Gisa Fausta bamaze igihe bakundana kandi badahisha iby'urukundo rwabo

Mugiraneza Jean Baptiste na Gisa Fausta bamaze igihe bakundana kandi badahisha iby'urukundo rwabo

Nyuma yo gusezerana imbere y’amategeko, Gisa Fausta n’umugabo we Mugiraneza Jean Baptiste bakunda kwita Migi bakomeje imyiteguro y’indi mihango y’ubukwe bwabo, ibirori nyirizina by’ubu bukwe bikazaba kuwa Gatandatu tariki 7 Gashyantare 2015 ari nabwo bazasezerana imbere y’Imana, Inyarwanda.com tukazabagezaho imigendekere y’ibyo birori.

Manirakiza Théogène






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • lucky9 years ago
    baranasa disi urugo ruhire
  • uwizeyimana Roger9 years ago
    Nukuri birashimishije cyne kubyo Migi akoze,buriya ni ugutera imbere Imana ikomeze ibashyigikire mubyo bateganya gukora.
  • kabebe9 years ago
    woww Migi chr wacu.Imana ibabebhafi mu bisigsye
  • Ignace NIYONSENGA9 years ago
    Manager nkweretse bariya bantu,uzabafashe murugo rwabo
  • edus9 years ago
    abagabo babiri barongoranye!congs
  • 9 years ago
    Sha bazagire urugo ruhire. Branasa disi. Gusa Migi ntagakunde guseka cyane aseka nabi bikabishya amafoto
  • niyogushimwa daniel9 years ago
    Ni byiza cyane pe.kandi aho Imana ikugejeje byagatumye uyishima pee!!!! .kandi Abubaha Imana Iranabashyigikira.
  • anifa9 years ago
    muri abantu babagabo kbsa
  • kayonga yves9 years ago
    woow nice bro!
  • 9 years ago
    nubwo ntafana APR arko migi ni umusore ugira ikinyabupfura akaba akundwa nabakunzi ba sport muri rusange.nanjye rero mboneyeho kumwifuriza ubukwe buhire
  • saudah9 years ago
    nibyiza nukuri muzagire urugo ruhire
  • Jeanyvz9 years ago
    Migi is a real man! Sociable, Wise, Oriented and especially Educated!! Blessing to his Mother's womb!!! I wish him all the Best!!
  • nkundibirama olivier9 years ago
    MIGI komerezaho ebe umugabo





Inyarwanda BACKGROUND