RFL
Kigali

Umuhanzi Wizkid yibasiwe bikomeye muri Uganda nyuma yo kuvuga ko atazi Chameleone

Yanditswe na: Editor
Taliki:24/10/2014 11:00
7


Umuhanzi w’icyamamare muri Nigeria uzwi ku izina rya WizKid yibasiwe bikomeye n’abahanzi ndetse n’abaturage ba Uganda nyuma yo kujyayo akavuga ko atazi umuhanzi Jose Chameleone, ibi bikaba byarafashwe nko kubasuzugura no kubirataho kuko Chameleone ari icyamamare kizwi cyane muri Africa.



Ubwo WizKid yajyaga kuri Televiziyo y’igihugu cya Uganda, yatunguye abantu ubwo yavugaga ko atazi umuhanzi Jose Chameleone ndetse anasobanura ko ari ubwa mbere yamwumva. Nyuma y’ibi abaturage benshi ba Uganda barimo n’abahanzi barababaye cyane, by’umwihariko Pallaso umuvandimwe wa Chameleone akaba yaratutse bikomeye uyu WizKid.

Wizkid yatangaje ko atazi Chameleone

Wizkid yatangaje ko atazi Chameleone

Mu magambo ye Pallaso yatutse Wizkid abinyujije ku rubuga rwa Facebook, akaba yaramusabaga kubaha Uganda akanamenya intera bamaze kugeraho mu muziki wabo kandi akareka kwiyemera no kwirata kuko uwo ari we wese nta ruhare yagize mu iterambere rya muzika ya Uganda.

Chameleone ngo ntazwi na Wizkid

Chameleone ngo ntazwi na Wizkid

Pallaso yagize ati: “Niba uri muri Uganda ugomba kubaha imirimo y’amaboko yacu. Muri Uganda no muri Africa yose Chameleone arazwi cyane ariko wowe kuvuga ko utamuzi bituma ugaragara nk’icyo ntazi... Ntitaye kucyo uri cyo, twe umuziki wacu twatangiye kuwubaka nta ma label ahari bityo mu gihe uri hano ukwiye kubaha abubatse muzika ya Uganda... “

Pallaso yatutse Wizkid kubera kwirengagiza Chameleone

Pallaso yatutse Wizkid kubera kwirengagiza Chameleone

N’ubwo uyu muhanzi muri Uganda yabashije gukoranayo indirimbo n’abahanzi batandukanye barimo Weasel na Radio, Navio n’abandi, ubu ari mu mazi abira aho abaturage ba Uganda n’abahanzi batandukanye bakomeje kumwotsa igitutu ngo asabe imbabazi abanya Uganda bose kuko gusuzugura Chameleone akavuga ko atamuzi bigaragara nko  gusuzugura muzika ya Uganda muri rusange.

Manirakiza Théogène






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Abel9 years ago
    Nagabanye Kwiymera Kuko Icyamamare Cyacu Kirazwi.
  • frora9 years ago
    aramaze nimba yabivuze.aranamurusha kure nabamahuriro ya wiz kid.
  • 9 years ago
    Numwana mumureke nimyaka imushuka kuko usibye muri Africa azajye nahandi abaririze! ariko ntaribi azakura nibwo azamenya
  • Jado9 years ago
    Ururuhinja rutazwi no muri Nigeria hose nirwitonde.
  • 9 years ago
    umusaza numusaza
  • Nkurikiyinka Jean Paul9 years ago
    Reka Dutegereze Turebe, Gusa Aramumenya Kungufu Niba Atamuzi
  • Rico Zabrano9 years ago
    29121996





Inyarwanda BACKGROUND