Urban Boys igiye kujya isusurutsa abasohokera mu tubyiniro twa Keizen na Top Chef mu cyiswe "The Urban Night"

Iyi gahunda yateguwe n’utu tubyiniro twombi mu rwego rwo gushimisha abakunzi b’aba bahanzi bakunda no gusohoka aho bazajya batujyamo buri cyumweru, bakidagadurana n’abakunzi babo, bakabyina ndetse rimwe na rimwe bakaririmba.

Buri wa Kane bazajya basohokera muri Keizein i Remera

Mu kiganiro twagirinye n’umuyobozi wa Super Level, Richard Nsanzumuremyi yagize ati “Ni gahunda y’utu tubyiniro twombi. Badusabye ko Urban Boys bajya bajya muri utu tubyiniro hanyuma dusinyana amasezerano y’igihe cy’amezi 4. Muri iki gihe cyose buri wa 4 na buri Cyumweru bazajya bajya muri utu tubyiniro nyine bishimane n’abazajya baba badusohokeyemo”

Buri cyumweru bazajya basohokera muri Top Chef Nyabugogo

Nk’uko gahunda yamaze kunozwa aba basore bazajya bajya muri utu tubyiniro ku wa Kane muri Keizen i Remera naho ku Cyumweru bajye Top Chef Nyabugogo ndetse bakaba barabitangiye kuri iki cyumweru.

Reba hano amashusho y'indirmbo yabo bafatanyije na Riderman bise "Till I Die"

Denise IRANZI