Ambassador's Park yatangaje gahunda ihoraho y'icyumweru cyose

By'akarusho kuri uyu wa Gatanu tariki 11 Gicurasi 2018 muri Ambassador's Park hateguwe igitaramo gikomeye cyatumiwemo Mitali Raphael wamamaye nka Natty Dread mu muziki akora mu njyana ya Reggae. Ni igitaramo kidasanzwe kizitabirwa n'abandi ba Rasta banyuranye dore ko bazaba barimo no kwibuka nyakwigendera Bob Marley wari inshuti ya Natty Dread n'abandi ba Rasta muri rusange kimwe n'abandi bakunda injyana ya Reggae.

Natty Dread azasusurutsa abazasohokera muri Ambassador's Park kuwa Gatanu

Muri iki gitaramo cyo kuwa Gatanu hazaba hari kandi umudage witwa Andy ndetse n'umuhungu wa Natty Dread witwa Nestaman wahoze ari umusirikari w'umudage ubu akaba akora muri Bank akora n'umuziki mu njyana ya Reggae, nawe akaba azashimisha abakunzi ba reggae muri Ambassador's Park. Iki gitaramo kigiye kuba nyuma y'ikindi gikomeye cyabaye kuwa Gatanu w'icyumweru gishize aho bari batumiye King James. Buri wa Gatanu akaba ari gahunda nshya bafite yo gutumira umuhanzi ukomeye kandi ukunzwe mu muziki hano mu Rwanda.

DORE GAHUNDA Y'ICYUMWERU CYOSE MURI AMBASSADOR'S PARK

Ku wa Mbere:Kuruhuka

Ku wa Kabiri: Haba Karaoke aho baba batumiye Juliet

Ku wa Gatatu: Haba hatumiwe Janne Uwimana

Ku wa Kane: Habaho kwerekana filime ndetse abakiliya ba Ambassador's Park bagataramirwa n'abahanzi Gakondo

Ku wa Gatanu: Hatumirwa umuhanzi ukomeye kandi ukunzwe cyane, muri iki Cyumweru turimo batumiye Natty Dread

Ku wa Gatandatu: Abakiliya ba Ambassador's Park basusurutswa na Seruka band

Ku Cyumweru: Habaho gucurangira abana

Twabibutsa ko kuri uyu wa Kabiri tariki 8 Gicurasi 2018, nk'uko twabikomojeho kuri gahunda y'icyumweru cyose ya Ambassador' Park, abasohokera muri Ambassador's Park baratamirwa na Juliet uri buririmbe Semi-live. Kuri uyu wa Kabiri ni nawo munsi wa 'specialité' y'umusokoro. Kuwa Gatatu, Jane Uwimana ni we uzasusurutsa abazasohokera muri Ambassador's Park akazaririmba Karaoke kandi nabwo bafite 'specialité' ya Ambassadors Pizza, aho umuntu wese ugura ebyiri ahabwa iya gatatu y'ubuntu. Kuwa Gatanu ho bizaba ari ibindi bindi dore ko hazaba igitaramo gikomeye mu njyana ya Reggae mu rwego rwo kwibuka nyakwigendera Bob Marley.

Buri wa Kabiri ni bwo Juliet azajya asusurutsa abantu muri Ambassador's Park

Jane Uwimana azajya ataramira muri Ambassador's Park buri wa Gatatu

Ambassador's Park iherereye i Gikondo mu mujyi wa Kigali. Iteganye n'urusengero rwa Methodiste Libre. Usibye kuba wahasohokera ugafata kamwe bijyanye n'amahitamo ya buri wese, ubusanzwe Ambassador's Park itanga serivisi zinyuranye zirimo Sauna&Massage, amafunguro ya kumanywa n'ibindi. Bafite kandi n'amacumbi meza cyane ku biciro byoroheye buri wese. Iyo wahasohokeye kandi ubasha gukoresha interineti y'ubuntu. Sohokera muri Ambassador's Park ugerwego n'ibyiza bagufitiye, uzagaruka uduha ubuhamya.

Ambassador's Park yateguye igitaramo cyo kwibuka Bob Marley

Buri wa Gatanu na buri wa Gatandatu baba bafite 'Night Club' hamwe na Dj Pii

Buri wa Kane biba bishyuye hamwe n'abaririmbyi bakora injyana Gakondo

King James ubwo aherutse muri Ambassador's Park