Kuri uyu wa 6 Gicurasi 2016 uruganda rwa Bralirwa Ltd rwerekanye Fanta zikorerwa mu Rwanda zo mu macupa ya Palasitike”Plastique”. Mu kumurika izo Fanta,Bralirwa yatangaje n’igiciro kuri buri ngano ya buri cupa.
Mu gihe izi Fanta bajyaga bazitumiza hanze y'u Rwanda, Jonathan Hall umuyobozi wa Bralirwa yavuze ako gashya bazanye ko gukora Fanta zo mu icupa rya Plastique (Polyethylene terephthalate (PET) kazatuma ubucuruzi bwabo butera imbere hakaboneka inyungu n’andi mahirwe menshi mu bucuruzi kuri Bralirwa ndetse no ku bakiriya bayo.
Amoko ya Fanta zo mu icupa rya Palasitike "Plastic"yashyizwe ahagaragara na Bralirwa, hari Fanta Orange, Fanta Citron, Fanta Fiesta,Fanta Sprite, Fanta Coca Cola, Fanta Coca Zero na Fanta Vital’o. Izo Fanta zose zizaba ziri mu bwoko butatu bw’amacupa aribwo; Icupa rya 30cl, irya 50cl n'irya 1.5L.
Imashini zikora izi Fanta zo mu icupa rya Plastic
Ku bijyanye n’ibiciro by’izo Fanta, icupa rya 30cl rigura amafaranga y’u Rwanda 400Frw, irya 50cl rikagura 600Frw naho irya 1.5L rikagura 1.500Frw gusa. Brand ya Coca Cola ikorera mu bihugu 200 ku isi ikaba imaze imyaka 128. Hashize imyaka 41 Coca Cola igeze mu Rwanda muri iyo myaka ikaba yaracuruzwaga gusa mu icupa rya 30cl.
Amafoto-Moses Niyonzima
Eng
RSS 
TANGA IGITECYEREZO