Airtel Rwanda yafunguye ishami rishya rya Kimironko mu mujyi wa Kigali

Uyu muhango wari unarimo Yosam Kiiza ushyizwe ibikorwa by’Imari mu rugaga rw’abikorera, hari harimo n’abakiliya ba Airtel n’abayobozi b’ibigo by’ubucuruzi bitandukanye, ukaba waranzwe n’ubusabane n’ibyishimo cyane ko n’abatuye Kimironko mu mujyi wa Kigali bishimiye kubona ishami rishya rigiye kubegereza ibikorwa na Serivise bya Airtel.

Mu muhango wo gufungura ishami rishya habayeho no gusangira amafunguro n'ibinyobwa

Nk’uko byasobanuwe n’abayobozi batandukanye ba Airtel, iri shami rishya ribimburiye andi mashami azashyirwa hirya no hino mu gihugu cyane ko iyi sosiyete yifuza kugenda yegera abakiliya bayo aho bari hose, by’umwihariko aha Kimironko hakaba hari abakiliya bagiye bifuza kenshi kwegerezwa ibikorwa na Serivisi bya Airtel.

Abakozi ba Airtel batangiye gutanga serivisi muri iri shami rishya rya Kimironko

Iri shami rya Airtel Rwanda rya Kimironko mu mujyi wa Kigali, riri ahateganye na Banki y’abaturage hafi y’isoko rya Kimironko ku muhanda ugana kwa Mushimire.